იოზეფ ერიხ „ჯო“ ზავინული ავსტრიელი ჯაზ-კლავიშისტი და კომპოზიტორი.
მსმენელმა ჯო ზავინული გაიცნო საქსოფონისტ კენონბოლ ედერლისთან დაკვრის შემდეგ. შემდგომში იგი გადავიდა მაილს დეივიზის ბენდში და იქცა ჯაზ-ფიუჟენის ერთ-ერთ დამაარსებლად – ჟანრის, რომელშიც ჯაზის ელემენტები გაერთიანდა როკ და მსოფლიო მუსიკასთან. 1970 წლის ნოემბერში დააარსა ჯგუფი Weather Report და არსებობის მანძილზე, 14 სტუდიური ალბომი აქვს გამოცემული. 1986 წელს Weather Report-ის დაშლის შემდეგ, 1988 წელს ზავინულიმ დააარსა კიდევ ერთი არაჩვეულებრივი ჯგუფი The Zawinul Syndicate, სადაც უამრავი ცნობილი და კარგი მუსიკოსი უკრავდა. ჯგუფის არსებობის მანძილზე 5 ალბომი გამოსცეს. ბოლო ალბომი კი, 2008 წელს გამოიცა, რომელიც ჩაწერილია 2007 წელს, მის გარდაცვალებამდე რამოდენიმე ხნით ადრე, შვეიცარიასა და უნგრეთში ტურნეს დროს. ალბომს მოგებული აქვს გრემის ჯილდო ნომინაციაში ‘’Best Contemporary Jazz Album’’
ზავინული იყო ელექტრონული პიანინოსა და სინთეზატორის ერთ-ერთი პიონერი, ხოლო გამოცემა ”Down Beat”-ის მკითხველებმა იგი 28-ჯერ დაასახელეს „საუკეთესო ელექტრონულ კლავიშისტად“. ზავინულის შესრულების სტილში დომინირებენ სპეციფიკური მელოდიური იმპროვიზაციები, რომლებიც მოიცავენ ბიბოპის, ეთნიკური და პოპ-მუსიკის სტილებს – იშვიათი, მაგრამ ბიგ-ბენდისთვის დამახასიათებელი აკორდების ან ბას-პარტიების რიტმული შესრულებით. Weather Report-ში იგი ხშირად იყენებდა ვოკოდერს ისევე, როგორც წინასწარ ჩაწერილ ხმებს, რომლებიც გატარებული იყო სინთეზატორში და გამოიყენებოდა სემპლირების სახით. ამით იქმნებოდა ჯაზური ჰარმონიების და ხმაურის შერწყმა.
მიღებული აქვს ისეთი ჯილდოები, როგორიც არის ‘’ქალაქ ვენის საპატიო ბეჭედი’’, ‘’Great Silver Medal of Honour for Services to the Republic of Austria’’, ‘’პოლ აკეტის ჯილდო’’ და ‘’Amadeus Austrian Music Awards’’
The Zawinul Syndicate – North Sea Jazz 1997
Joe Zawinul – Keys
Gary Poulson – Guitar
Richard Bona – Bass
Paco Sery – Drums
Manolo Badrena – Percussion
