ძალიან კარგი დოკუმენტური ფილმი დღევანდელობის საუკეთესო ქართველ ბასისტზე და მუსიკოსზე, ბატონ თამაზ ყურაშვილზე
ის ისეთივე კეთილი და თავდაჯერებულია, როგორიც მისი ინსტრუმენტი. კეთილხმოვანი, მდიდარი და გამოცდილებით აღსავსე. მუსიკაში კი ერთ-ერთი მთავარი ხაზის მატარებელი. არტ ბლეიქი, ვაგიფ მუსტაფა-ზადე, ჰერბი ჰენკოკი, ჯო ზავინული. ეს იმ დიდებული მუსიკოსების მცირე ჩამონათვალია, რომლებთან ერთადაც სხვადასხვა დროს დაუკრავს ბატონ თამაზს. მისი ბგერა და შესრულების მანერა კი ყოველთვის გამორჩეულია.
ფილმში უამრავი დოკუმენტური კადრია, რომელიც დარწმუნებული ვართ არ გინახავთ. ასევე თავმოყრილია, არაჩვეულებრივი ქართველი მუსიკოს-შემსრულებლების მთელი კასკადი: დავით ჯაფარიძე, ზურა რამიშვილი, ახალგაზრდა თაობის ბრწყინვალე წარმომადგენლები: ბექა გოჩიაშვილი, გიორგი მანაგაძე, კახი ჯაგაშვილი, ზაზა ცერცვაძე და სხვა. 50 წუთი უდიდესი სიამოვნებისა.
დიდი მადლობა ყველა იმ ადამიანს, რომელმაც მიიღო მონაწილეობა ამ არაჩვეულებრივი ფილმის შექმნაში. განსაკუთრებით კი მის რეჟისორს, ბატონ ოთარ ლითანიშვილს. ნამდვილად საჭირო და დროული იყო ამ ფილმის გამოჩენა. ჩვენ კი ვისურვებდით კიდევ უამრავ ასეთ დოკუმენტურ ფილმს სხვადასხვა მუსიკოსზე
ბატონ თამაზ ყურაშვილს კი ჯანმრთელობას ვუსურვებთ და დიდი ხნის სიცოცხლეს, რომ კიდევ უამრავი თაობა აღზარდოს
