#viniligeსკალენდარი
1998 წლის 29 ივნისს, The Beatles-ის წევრი ჯორჯ ჰარისონი აცხადებს, რომ გადის ქიმიოთერაპიას ყელის სიმსივნის გამო და ამბობს: ”მე სიკვდილს ჯერ არ ვაპირებ და ამას თქვენს გამო ვაკეთებ” სამწუხაროდ, სამი წლის შემდეგ 2001 წლის 29 ნოემბერს ჯორჯ ჰარისონი ამ დაავადებით გარდაიცვალა.
ჰარისონი The Beatles-ის წევრი გახდა, როდესაც იგი იყო ჯერ კიდევ სკიფლ-ჯგუფ The Quarrymen წევრი. პოლმა ჯონს უამბო თავისი მეგობრის, ჰარისონის შესახებ, რომელსაც გიტარაზე “Raunchy”-ს დაკვრა შეეძლო. ჯგუფის კასტინგზე ჰარისონი მივიდა რორი სტორმის კლუბში Morgue Skiffle, სადაც დაუკრა ართურ სმითის “Guitar Boogie Shuffle”. თუმცა, ლენონი თვლიდა, რომ ჯორჯი, რომელიც იმ პერიოდში მხოლოდ 15 წლისაა, ჯგუფისთვის ახალგაზრდა იყო.
მეორე შეხვედრა ასევე მაკ-კარტნიმ მოაწყო. აქ ჯორჯმა, ლივერპულური ავტობუსის სახურავიდან დაუკრა ინსტრუმენტული “Raunchy” სოლო. მან დაიწყო ჯგუფის წევრებთან დაახლოება და აქა-იქ გიტარის სოლოების დაკვრა. საბოლოოდ კი მისი წევრი გახდა. მიუხედავად მამამისის სურვილისა, რომ მას სწავლა გაეგრძელებინა, ჯორჯმა სკოლა 16 წლის ასაკში დატოვა და რამდენიმე თვე შეგირდად, ადგილობრივ მაღაზიაში Blacklers მუშაობდა, უმცროს ელექტრიკოსად. 1960 წელს ჯგუფმა შოტლანდიაში ტურნე გამართა, რომლის ფარგლებში მუსიკოსი კარლ პერკინსის პატივსაცემად თავს კარლ ჰარისონს უწოდებდა
ჯორჯ ჰარისონი უამრავ ცნობილ მუსიკოსთან თანამშრომლობდა. სწორედ ჰარისონი იყო, ბანგლადეშის ცნობილი საქველმოქმედო კონცერტის ინიციატორი და ორგანიზატორი. გამოცემული აქვს ათზე მეტი სტუდიური სოლო-ალბომი. არის უამრავი ჯილდოს მფლობელი და შეყვანილია როკ-ენ-როლის დიდების დარბაზში, გახსნილი აქვს ვარსკვლავი ჰოლივუდის დიდების ხეივანში და გახლავთ ბრიტანეთის იმპერიის ორდენის წევრი
