1966 წლის 14 ივნისს გაყიდვაში ჩაეშვა ინგლისური როკ-ჯგუფ The Beatles-ის რიგით მეთორმეტე ალბომი ”Yesterday and Today”. დისკი უფრო მეტად ცნობილია თავისი სკანდალური ყდით, რომელზეც ჯგუფის წევრები გადაცმულები იყვნენ მეყასბის ფორმებში, ხელში ეკავათ ხორცის ნაჭრები და დანაწევრებული თოჯინები. მალევე გამოცემული იქნა ალბომის სხვა ვერსია, განსხვავებული ყდით.
ფოტო მარტის თვეში გადაიღო ცნობილმა ავსტრალიელმა ფოტოგრაფმა რობერტ უიტაკერმა. მისი კონცეფცია არის აქტი იმის შესახებ, თუ როგორ ხდება Beatles-ის ადაპტაცია, სურეალისტების ლუის ბუნუელისა და სალვადორ დალის ნამუშევრების შთაგონებით.
კაპიტოლ რექორდსის პრეზიდენტი ალან ლივინგსტონი აღშფოთებულია ამ ფოტოთი, მაგრამ ჯონ ლენონი ამ ყველაფერში პრობლემას ვერ ხედავს. დაახლოებით 60,000 ეგზემპლარი 14 ივნისს იგზავნება მაღაზიებსა და მედიასაშუალებებში და სწორედ მაშინ ჩნდება პრობლემა. გაირკვევა, რომ საცალო ვაჭრობა ალბომს თაროებზე არ დადებდა. მათ მიაჩნდათ, რომ ეს ფოტო იყო ძალადობრივი და რომ Beatles-თან არაფერი აკავშირებდა. ამ მიზეზით კაპიტოლ რექორდსი იწყებს ალბომების უკან გაწვევას, მაგრამ ამტკიცებს, რომ ეს სურათი იყო “პოპ-არტის სატირის” მცდელობა, რომელმაც არ გაამართლა.
სასწრაფოდ იწყება მუშაობა ფოტოს შესაცვლელად. დაიგეგმა ახალი ფოტო-სესია სულ სხვა გარემოში. უკან გამოწვეული ალბომები ახალი ფოტოს მოლოდინში დაასაწყობეს. საბოლოოდ, ფოტო მალევე შეიცვალა და 20 ივნისს ალბომი გაყიდვაში ჩაუშვეს. ალბომის ყდა კი ჩვეულებრივი და უფრო მოსაწყენი გამოვიდა. ჯგუფის წევრები სამგზავრო ჩემოდნის ირგვლივ დგანან მშვიდი სახეებით, თითქოს არაფერი მომხდარა.
დადიოდა ხმები, რომ ბევრ უკან გამოწვეულ ფირფიტას არ ჰქონდა მთლიან ი ყდა გამოცვლილი და ძველ ”ყასბების ყდას” უბრალოდ გადაკრული ჰქონდა ახალი, სამგზავრო ჩემოდნის ფოტო. ამიტომ, ადამიანები ამ ყდას ორთქლზე ატარებდნენ რათა გაეგოთ იყო თუ არა ის ერთ-ერთი ბედნიერი, რომელსაც ”ყასბების ყდიანი” ალბომი ერგო. ამიტომ, ალბომი გახდა კოლექციონერებისთვის ერთ-ერთი საინტერესო, სასურველი და თან მიუწვდომელი ალბომი. 2016 წელს კი ერთ-ერთი ”ყასბების ყდიანი” ალბომი არც მეტი, არც ნაკლები 125 000 დოლარად გაიყიდა. გირჩევთ გადაათვალიეროთ თქვენი კოლექცია, არავინ იცის, შეიძლება თქვენც ხართ ის იღბლიანი, რომელსაც კოლექციაში ასეთი სიმდიდრე აქვს.
ალბომი ერთ ფირფიტიანია და მასში შესულია 11 კომპოზიცია. ხანგრძლივობა კი შეადგენს 27:43 წუთს
