1967 წლის 3 ივნისს, ცნობილმა როკ-ჯგუფმა The Doors სინგლის სახით გამოსცა შეკვეცილი ვარიანტი სიმღერისა “Light My Fire”
სიმღერა თავდაპირველად ჩაიწერა 1966 წლის აგვისტოში და შევიდა დორსის პირველ სტუდიურ ალბომში, რომელიც 1967 წლის 4 იანვარს გამოიცა. სიმღერის ალბომ ვერსია 6:50 წუთი გახლდათ. სინგლისთვის კი მათ 2:52 წუთამდე შემცირება მოუწიათ, რათა ყოფილიყო რადიომეგობრული ქრონომეტრაჟით
ჯგუფის პირველი სინგლი ამავე ალბომიდან “Break On Through” გახლდათ, თუმცა ამ სიმღერაზე ჯგუფის წევრებს ბევრი არ უზრუნიათ. “Light My Fire”-მ კი მსოფლიოში უდიდეს წარმატებას მიაღწია და გახდა ჯგუფის ერთ-ერთი სავიზიტო ბარათი
როგორც ავღნიშნეთ, სიმღერამ პოპულარობა მალევე მოიპოვა. ამერიკის ჩარტებში, კერძოდ კი Billboard Hot 100-ში სამი კვირის განმავლობაში პირველი ადგილი ეკავა, ხოლო Cash Box Top 100-ში მეორე ადგილი. დაახლოებით ერთი წლის შემდეგ, სიმღერა ბილბორდის ასეულში კიდევ ერთხელ მოხვდა. თუმცა, ამჯერად მესამე ადგილს დაკმაყოფილდა. ეს გახლდათ José Feliciano-ს ქავერ ვერსია, რომელმაც 87-დან მესამე ადგილზე ჩამოსასვლელად, საკმაოდ ბევრი იბრძოლა
ფირფიტა ზომით 7 ინჩი გახლავთ და ჩაწერილია 45 RMP-ზე. A გვერდზე ჩაწერილია “Light My Fire”, ხოლო B გვერდზე ‘‘The Crystal Ship” ჯგუფის სადებიუტო ალბომიდან. სინგლიც და ალბომიც გამოცემულია ლეიბლზე Elektra Records
ალბომში შესულია 11 კომპოზიცია და ქრონომეტრაჟი შეადგენს 44:38 წუთს
