„ბასისტების დედოფალი” – ნიკ უესტი საქართველოს კვლავ ეწვია

Bilboard Georgia Stage_ის ორგანიზებით, ქალთა საერთაშორისო დღეს, 8 მარტს კლუბ Republic-ის სცენაზე „ბასისტების დედოფალი“ ნიკ უესტი (Nik West) ბენდთან ერთად ქართველი მსმენელის წინაშე კიდევ ერთხელ წარდგა.

ეს მუსიკოსის მორიგი ვიზიტია თბილისში 2019 წლის შემდეგ. ნიკ უესტი 2024 წლის საგაზაფხულო მსოფლიო ტურნეს ფარგლებში, კიდევ ერთხელ დაუბრუნდა საქართველოს. მას საქართველოსთან არამარტო საქმიანი ურთიერთობა აკავშირებს, არამედ ოჯახურიც. ნიკ უესტი ქართველ პროდიუსერზე, ნიკოლოზ კანდელაკზეა დაქორწინებული. მისალმებისას ნიკ უესტი სცენაზე მცირეწლოვან შვილთან ერთად გამოვიდა და ქართველ მსმენელს ლენი კანდელაკი პირადად გააცნო.

კონცერტი სიმღერით “Thumpahlenah” გაიხსნა და მუსიკოსმა პირველივე, მომაჯადაოებელი Slap Bass_ით მოახერხა ქართველი მსმენელის გულის მოგება, დარბაზში კი ფანქის ნამდვილი ზეიმი დაიწყო.

კონცერტის ფლეილისტში როგორც ნიკის საავტორო მუსიკა, ასევე ცნობილი კომპოზიციების ქავერ ვერსიები შესრულდა. განსაკუთრებით აღსანიშნავია ნიკ უესტის ბექ ვოკალისტის, კარლინ გრეჰემის (Carlene Graham) მიერ შესრულებული ქავერი Toto_ს “Hold the line” მისი გასაოცარი ხმის ტემბრით და შესრულების მანერით.

კონცერტის დასასრულს, ტრადიციულად ნიკიმ სცენაზე ბასზე დასაკრავად დარბაზიდან მსურველი აიყვანა. ეს იღბლიანი ამჯერად ბას-გიტარისტი მარიამ კუბანსკი იყო. მასთან ერთად ბენდმა ტინა ტერნერის ქავერი, Proud Mary შეასრულა და ამით დასრულდა საათნახევარიანი, დაუვიწყარი კონცერტი რესპუბლიკაში.

„მისი თაობის საკულტო ბასისტი” – ასე მოიხსენია ის გამოცემა Rolling Stone_მა. ფრანგულმა Rolling Stone-მა კი ნიკ უესტს ”ბასისტების დედოფალი” უწოდა. ნიკ უესტი უბრალოდ მუსიკოსი არ არის, ის ინდივიდუალობის განსახიერებაა. უნიკალური სტილით, როგორც თითის ანაბეჭდი, ის გიწვევთ, გაითავისოთ თქვენი ნამდვილი მე და გადახვიდეთ თქვენს რიტმზე. ეს ფანკით გაჟღენთილი ახალგაზრდა ქალბატონი ბუნების ძალაა, რომელიც აერთიანებს ჟანრებს და არღვევს საზღვრებს მის მიერ დაკვრულ ყოველ ნოტთან და მის მიერ შესრულებულ ყველა სიმღერაში. მისი დაკრული ბასი ჰგავს გულისცემას, რომელზეც შეგიძლიათ იცეკვოთ. მაგრამ ნიკი არ არის მხოლოდ ბასისტი – მისი ვოკალი გამორჩეულია და თითქოს გამოგზაურებს უსაზღვრო ემოციებში.

ნიკ უესტის მუსიკალური ბიოგრაფია მოიცავს თანამშრომლობას ისეთ მუსიკოსებთან და პროექტებთან, როგორებიც არიან ქუინსი ჯონსი, Glee, პრინცი, American Idol, დეივ სტიუარტი, მეისი გრეი, ჯონ მეიერი და სხვები. 2012 წლიდან ნიკ უესტი ლეგენდარული პრინცის ბასისტი იყო. პრინცი მასსზე ამბობდა, რომ ნიკის ახასიათებს საოცარი სცენურობა. ის ისეთივე შთამაგონებელია ჩემთვის, როგორებიც როზი და შეილა იყვნენ.

მისი ხმაურიანი ბასი ასევე ისმის ESPN-ის სპორტულ პროგრამებში მთელ მსოფლიოში. ის უამრავი ჟურნალის გარეკანზე გამოჩნდა და გამოქვეყნდა მრავალ პუბლიკაციაში People Magazine, Vanity Fair, Teen Vogue, Rollingstone, Ok! Magazine, Billboard, Afropunk და სხვა. “ნიკ უესტი ნამდვილად ფანკის ჯადოქარია და მე მიყვარს ყველაფერი ის, რასაც ის აკეთებს!” – ამბობს ბუტსი კოლინზი