თელონიუს მონკი დაიბადა 1917 წელს როკი მაუნტში, ჩრდილოეთ კაროლინაში. 1922 წელს ოჯახი დედასთან ერთად საცხოვრებლად ნიუ-იორკში გადავიდა, დასავლეთით, სან-ხუან ჰილსში, სადაც ასევე ცხოვრობდა ჯეიმს ფი ჯონსონი, ხოლო ადგილობრივ თეატრში გახსნილი იყო UB Blake’s-ის მუსიკალური წრე.
სან ხუან ჰილსის ქუჩები სავსე იყო მუსიკით. მუდმივად ისმოდა ვოკალის, ფორტეპიანოს, ბიგ-ბენდის ხმები. სახლის რადიოდან ისმოდა მუსიკა და ერწყმოდა ქუჩის გოსპელის ხმებს.
მონკმა ფორტეპიანოზე დაკვრა ოფიციალური მომზადების გარეშე დაიწყო. მოგვიანებით კი მან მუსიკის თეორია ჯულიარდის მუსიკალურ სკოლაში შეისწავლა. თუმცა, მისი ნამდვილი მასწავლებლები იყვნენ მისი დროის ჯაზის ოსტატები ფეთს უოლერი, არტ თეითემი და დიუკ ელინგტონი.
„ჯაზური მუსიკის დიდი არქიტექტორი“, Bebop-ის ერთ-ერთი სულის ჩამდგმელი. გამორჩეული თავისი დაკვრის მანერით. მისი უხეში და გაფშეკილი თითები თითქოს არ იყო კლავიატურისთვის განკუთვნილი, თუმცა გენიალურად უკრავდა. აღიარება გვიან მოვიდა, მაგრამ ამას ხელი არასდროს შეუშლია მუსიკალურად განვითარებულიყო. მისი კომპოზიციები დღემდე პოპულარული და აქტუალურია და ის ხშირად სრულდება მსოფლიოს სხვადასხვა სცენაზე. ფილმში მოთხრობილია მისი ცხოვრების მნიშვნელოვანი მომენტები. ინტერვიუები მის მენეჯერებთან, მუსიკოსებთან, ბარონესა როტშილდთან და შვილთან. ასევე, პირველი ევროპული ტურნე ოქტეტთან ერთად.