ფილმი მოგვითხრობს ელის კოლტრეინისა და მისი შვილების ცხოვრების შესახებ მეუღლის, ცნობილი ჯაზის მუსიკოსის, საქსოფონისტ- ჯონ კოლტრეინის გარდაცვალების შემდეგ. ფილმი გადაღებულია 1970 წელს 16 მმ ფირზე, ჯონ კოლტრეინის გარდაცვალებიდან სამი წლის შემდეგ. ეს გახლავთ მოკლემეტრაჟიანი დოკუმენტური ფილმი, რომელიც გადაღებულია ეროვნული განათლების სატელევიზიო პროგრამის ”Black Journal”-ისთვის. ელის კოლტრეინი საუბრობს იმაზე, თუ რა გავლენას ახდენდა მისი გარდაცვლილი ქმარი მის ცხოვრებაზე როგორც მუსიკალურად, ისე სულიერად. ის საუბრობს იმაზე, თუ როგორი ადამიანი იყო ჯონი, როგორი იყო ის ოჯახში, შვილებთან მიმართებაში. მორწმუნე იყო, თუმცა არ იყო დაკავშირებული რომელიმე კონკრეტულ რელიგიასთან. საუბრობს მის ვეგეტარიანულ დიეტაზე და იმაზე, თუ როგორ უთმობდა დროს მედიტაციას.