vinili.ge განაგრძობს საინტერესო დოკუმენტური ფილმების ქართულად გახმოვანებას ცნობილ მუუსიკოსების შესახებ. ფილმი მოგვითხრობს ავსტრიელი ჯაზმენის ჯო ზავინულის ცხოვრების შესახებ. ფილმში შესულია ჯოს მეგობრების და ოჯახის წევრების ინტერვიუები. გამოყენებულია დოკუმენტური კადრები მისი ცხოვრებიდან, რეპეტიციებიდან და ლაივ კონცერტებიდან.
იოზეფ ერიხ „ჯო“ ზავინული — ავსტრიელი ჯაზ-კლავიშისტი და კომპოზიტორი. ჯო ზავინული ცნობილი გახდა საქსოფონისტ კენონბოლ ედერლისთან კოლაბორაციის შემდეგ, შემდგომში კი გადავიდა მაილს დეივისის ბენდში და იქცა ჯაზ-ფიუჟენის ერთ-ერთ დამაარსებლად. ჟანრის, რომელშიც ჯაზის ელემენტები გაერთიანდა როკ და მსოფლიო მუსიკასთან. შემდეგ იყო Weather Report, Zawinul Syndicate და უამრავი კოლაბორაცია სხვადასხვა ცნობილ მუსიკოსთან.
ზავინულმა ქართველ მსმენელსაც არ დასწყვიტა გული. ის ორჯერ, პირველად 2000 წელს და მეორედ, 2005 წელს იმყოფებოდა საქართველოში კომპანია ”ისტერნ-პრომოუშენი”-ს წყალობით. ჩემდა სამწუხაროდ, ვერცერთ მის კონცერტზე ვერ მოვხვდი და დღემდე ვნანობ ამას. თუმცა, იმ დროს 100 ლარის ბილეთში გადახდა სტუდენტისთვის, საკმაოდ რთული იყო.
ჯო ზავინული 2007 წლის 11 სექტემბერს გარდაიცვალა, მისი მეუღლის, მაქსინ ზავინულის გარდაცვალებიდან 47 დღის შემდეგ