ეს გახლავთ კით ჯარეტის პირველი ინტერვიუ ინსულტის შემდეგ. ინტერვიუ ჩაწერა იუთუბერმა, მულტიინსტრუმენტალისტმა და მუსიკალურმა პროდიუსერმა ნიკ ბიატომ. ამ ინტერვიუში კითს სამწუხროდ მეტყველება უჭირს. ხანდახან, ამბიდან ამბავზე ცოტა უცნაურად და გაუგებრად გადადის, თუმცა ეს არ არის მთავარი. ინტერვიუს დროს კითი როიალზე ცალი ხელით ახერხებს სხვადასხვა ნაწარმოების დაკვრას. ვინც ჯარეტის შემოქმედებას კარგად იცნობთ ან ერთხელ თუ მაინც გინახავთ მისი ვიდეოჩანაწერი დაკვრის დროს, ამ ინტერვიუს ნახვის შემდეგ გულიც კი დაგწყდებათ მის ამჟამინდელ მდგომარეობაზე.
კით ჯარეტი ამერიკელი ჯაზ-პიანისტი და კომპოზიტორია, რომელიც 1945 წელს პენსილვანიის შტატის ქალაქ ალენთაუნში დაიბადა. იგი თავისი თაობის ერთ-ერთ ყველაზე გავლენიან და გამორჩეულ ჯაზ-მუსიკოსად ითვლება, რომელმაც ათობით ალბომი ჩაწერა, როგორც სოლო შემსრულებლის, ასევე სხვადასხვა ანსამბლის ლიდერის რანგში. ჯარეტი, რომელიც ცნობილია ვირტუოზული დაკვრითა და იმპროვიზაციული უნარებით, აღიარებას იმსახურებს ჯაზის, კლასიკური მუსიკისა და მსოფლიო მუსიკის ელემენტების თავის კომპოზიციებში გაერთიანების უნიკალური უნარის წყალობით. მან ითანამშრომლა მსოფლიოს მრავალ წამყვან მუსიკოსთან და მთელი კარიერის განმავლობაში მრავალი ჯილდო მიიღო, რითაც გაიმყარა თავისი ადგილი ჯაზის გიგანტების პანთეონში.
ისიამოვნეთ და არ დაგავიწყდეთ ჩვენი არხის გამოწერა იუთუბზე