20 სექტემბერს თბილისში, ბარში ”Antenna l ანტენა”, გაიმართა ვინილების, კომპაქტ-დისკების და კასეტების ყიდვა-გაყიდვა-გაცვლა. ეს იდეა ჯერ კიდევ შარშან უნდა განხორციელებულიყო, თუმცა რიგი მიზეზების გამო ამ დრომდე ვერ მოხეხრდა გამართვა. თუმცა, ”სჯობს გვიან, ვიდრე არასდროს”. ღონისძიების იდეის ავტორი გახლავთ კოლექციონერი და ვინილომანი გოგა ანთიძე.
ივენთზე თავი მოიყარეს კოლექციონერებმა, ვინილომანებმა და მელომანებმა. საღამოს 5 საათზე უკვე ყველაფერი მზად იყო. ბაზრობაზე წარმოდგენილი იყო როგორც ვინილები, ასევე კასეტები, კომპაქტ დისკები და ე.წ. ბაბინები.
ივენთის ორგანიზატორები იმედს გამოთქვამენ, რომ ეს აქტი არ იქნება ერთჯერადი და წლის განმავლობაში მინიმუმ ერთჯერ მაინც ჩატარდება. საღამომ საინტერესოდ და ვინილომანურად ჩაიარა. დანარჩენს კი ვიდეოში იხილავთ.