ბი ბი კინგი, ნამდვილი სახელი: რაილი ბი კინგი. დაიბადა 1925 წლის 16 სექტემბერს, იტა ბენა, მისისიპი. იყო ლეგენდარული ამერიკელი გიტარისტი, მომღერალი და სიმღერების ავტორი, რომელიც საყოველთაოდ არის აღიარებული როგორც „ბლუზის მეფე“. მან შექმნა სოლო შესრულების სრულიად ახალი, დახვეწილი სტილი, რომელიც დაფუძნებული იყო სიმების მოქნილ ვიბრაციასა და სტაკატოზე, რამაც უდიდესი გავლენა მოახდინა როკისა და ბლუზის მომავალ თაობებზე. კინგი თავის საფირმო Gibson-ის გიტარებს ყოველთვის „ლუსილს“ არქმევდა. სახელი უკავშირდება ერთ-ერთ კონცერტზე მომხდარ ხანძარს, რომელიც ქალის — ლუსილის გამო დაწყებულ ჩხუბს მოჰყვა. ბი ბი სიცოცხლის რისკის ფასად შევარდა ცეცხლმოკიდებულ შენობაში გიტარის გადასარჩენად და მას შემდეგ ეს სახელი სიმბოლოდ აქცია. გრემის 15-გზის მფლობელი და გრემის საპატიო ჯილდოს (Lifetime Achievement Award) ლაურეატი. შეყვანილია როკ-ენ-როლის დიდების დარბაზსა და ბლუზის დიდების დარბაზში. დაჯილდოებული იყო აშშ-ის უმაღლესი სამოქალაქო ორდენით — თავისუფლების საპრეზიდენტო მედლით გარდაიცვალა 89 წლის ასაკში, 2015 წლის 14 მაისს, ლას-ვეგასში, ნევადა.