Jazz Club 1984 თბილისის ერთ-ერთი გამორჩეული მუსიკალური სივრცეა, რომელიც 2021 წელს დაფუძნდა ძველ თბილისში- ლესელიძის ქუჩაზე. მიუხედავად იმისა, რომ სახელი “1984” ჯორჯ ორუელის ცნობილ ანტიუტოპიურ რომანს უკავშირდება, კლუბის იდეა თავისუფლების, ცოცხალი მუსიკისა და იმ სოციალური კულტურის გარშემო გაერთიანდა, რომელიც ჯაზს თან ახლავს. თავდაპირველი მცირე სივრცე ლესელიძის ქუჩაზე მალევე გახდა პოპულარული თბილისელებსა და ქალაქის სტუმრებს შორის. მზარდი მოთხოვნიდან გამომდინარე, კლუბმა მოგვიანებით შეიცვალა ლოკაცია და უფრო ფართო, მასშტაბურ სივრცეში გადაინაცვლა, რამაც მეტი მუსიკოსისა და მსმენელის მასპინძლობის საშუალება მისცა. დაარსებიდანვე კლუბის მთავარი მიზანი იყო თბილისში ჯაზის ცოცხალი შესრულების კულტურის გაცოცხლება. ის იქცა პლატფორმად როგორც ცნობილი ქართველი და უცხოელი ჯაზმენებისთვის, ისე ახალბედა ექსპერიმენტული მუსიკოსებისთვის.
• ტატო რუსია – MC
• ნიკა გაბაძე – გიტარა
• საბა ოკუჯავა – კლავიში
• დავით გოგისვანიძე – ბასი
• დანიელ ადიკაშვილი – დრამი