28-29-30 ივნისს, არტოს ბაღში გაიმართა რიგით მეხუთე Midsummer Nights Jazz Fest, რომლის ორგანიზატორიც გახლავთ ZMG-Art. ფესტივალს საკმაოდ ბევრი მონაწილე და მაყურებელიც ჰყავდა. სამწუხაროდ ჩვენ მხოლოდ ერთ საღამოს დავესწარით, თუმცა ამ ერთი საღამოდანაც კარგად ჩანდა თუ როგორი მრავალფეროვანი და ენერგიული ფესტივალი იყო წლევანდელი ”მიდსამარი”. წელს, ცნობილ მუსიკოსებთან ერთად ფესტივალის სცენაზე გამოჩნდნენ დამწყები, ძალიან საინტერესო მუსიკოსები და ბენდები. ასევე, წელს „ზაფხულის ღამის ჯაზის“ სპეციალური სტუმრები იყვნენ ამერიკელი ჯაზ მუსიკოსები.
29 ივნისის დღის განრიგი კი შემდეგნაირი იყო. ფესტივალი მამუკა ცერცვაძის ტრიომ გახსნა, რომელიც სოფიო მურუსიძის კვარტეტმა ჩაანაცვლა. გიორგი კახიანის კვინტეტი კი ლუკა თოფურიას კვინტეტმა და გრიგოლ ყიფშიძემ შეცვალა. The Bookmarks– ბავშვები სასწაული ხმებით და ქართული რეპერტუარით. Flying Elelphant რომელმაც სასწაულ სამყაროში გვამოგზაურა და დათო კაკულიას სეპტეტი, რომელმაც დახურა ფესტივალი და სასწაულები ჩაიდინა. ჩვენ ყველა გამომსვლელის ჩანაწერს ჩვენს იუთუბ არხზე პერიოდულად ავტვირთავთ. თუმცა, მანამდე შეგიძლიათ კოლაჟით შეიქმნათ წარმოდგენა თუ რა ხდებოდა ამ დღეს არტოს ბაღში.
ახლა კი მთვარზე- სოფიო მურუსიძის კვარტეტი
ირაკლი დოლიძე- ბასი
გიგი ცინცაძე- გიტარა
კარლო კაინ- დრამი
სოფიო მურუსიძე- ვოკალი
არაჩვეულებრივი ნახევარი საათი გვაჩუქა ამ ოთხმა მუსიკოსმა. კვარტეტმა კოლ პორტერის, უეინ შორტერის, ენ რონელის, ჰორას სილვერის და ბილი ჰოლიდეის ცნობილი ჰიტები წარმოგვიდგინა. სოფიოს სადა და ჰაეროვანი ვოკალი ძალიან სასიამოვნოდ ისმინებოდა. ბიჭები კი ამ ყველაფრის ლაიტმოტივი გახლდათ. სხვათაშორის სოფიო ფესტივალის ერთ-ერთი დებიუტანტი გახლდათ, თუმცა მას ქართველი მსმენელი კარგად იცნობს სხვადასხვა პროექტიდან.
დიდი მადლობა ფოტოების მოწოდებისთვის ილია ბაბურაშვილს