აუქციონს აქვს ერთგვარი ადრენალინი, ”გულის ფანცქალი”, მოლოდინი, ბევრჯერ თავად მინატრია არავის მიეღო მონაწილეობა ჩემს გარდა. ბევრჯერ გული დამწყვეტია და ჩემ თავზეც გავბრაზებულვარ, რადგან წამიგია. მოგებული ბიდი რამოდენიმე ცენტით მაღალი იყო და სწორედ ამ ცენტებმა გადაწყვიტა ყველაფერი. ბევრჯერ გახარებული ვყოფილვარ, რადგან ჩემთვის ძალიან ხელსაყრელ ფასად მომიპოვებია ვინილი ან ვინილები. მახსოვს, 2019 წელს ოსკარ პეტერსონის 15 ალბომი, რომელშიც სამი მათგანი ორ ფირფიტიანი იყო, როგორ მოვიგე ერთ-ერთ უცხოურ საიტზე სულ რაღაც 0.10 ცენტად. დიახ, არ მოგეჩვენათ, ათ ცენტად. ასე არასდროს გამმართლებია. ფირფიტები VG+ მდგომარეობით ჩამომივიდა. გადავიხადე მხოლოდ ტრანსპორტირების თანხა, რომელიც დაახლოვებით 33$ დაჯდა.
მას მერე დიდი დრო გავიდა და ვიფიქრე, რატომაც არა? შესაძლებელია ჩვენც გვქონდეს ქათული აუქციონი, სადაც ნებისმიერ ადამიანს შეეძლებოდა ფირფიტების თუ მუსიკალური კომპონენტების ყიდვა-გაყიდვა როგორც პირდაპირი შესყიდვით, ისე აუქციონის სახით. დღეს თამამად შეგვიძლია ვთქვათ, რომ გვაქვს საქართველოში პლატფორმა, რომელიც ქართულ ბაზარს იდეალურად ერგება და ნებისმიერ მელომანს შეუძლია თავისი გემოვნების მუსიკალური ჟანრის ვინილი, აუქციონის წესით შეიძინოს.
1. აუქციონში მონაწილეობის მისაღებად უპირველეს ყოვლისა საჭიროა მარტივი რეგისტრაცია საიტზე www.vinili.ge
2. რეგისტრაციის გავლის შემდეგ ირჩევთ სასურველ აუქციონს და დებთ თქვენთვის სასურველ ბიდს ან ყიდულობთ ნივთს პირდაპირი შესყიდვის წესით
3. ბიდი შეიძლება იყოს თავისუფალი და შეიძლება სელერის მიერ დადგენილი კონკრეტული თანხა მითითებული, რომელიც შეიძლება იყოს ნებისმიერი ციფრი. ვთქვათ ეს ციფრია 7 ლარი. ეს იმას ნიშნავს, რომ თითოეული ბიდი განისაზღვრება 7 ლარით ან მეტით. თქვენ ვერ შეძლებთ 7 ლარზე ნაკლები ბიდის განთავსებას.
4. აუცილებლად მიაქციეთ Reserve Price-ს. ეს გახლავთ ნივთის მინიმალური გასაყიდი ფასი, რომელსაც სელერი აწესებს და ეს შეიძლება იყოს ნებისმიერი თანხა. თუ ნივთი მინიმალურ გასაყიდ ფასს არ მიაღწევს, აუქციონში გამარჯვებული ვერ გამოვლინდება ანუ აუქციონი ჩაიშლება. ქვემოთ აგიხსნით რა შემთხვევაში აღწევს ნივთი მინიმალურ ფასს .
5. ფოტოზე თქვენ ხედავთ საწყის ფასს- 20 ლარი და ლურჯ წარწერას: Reserve price has not been met რაც იმას ნიშნავს, რომ სელერს ამ ნივთზე დაწესებული აქვს მინიმალური გასაყიდი ფასი. ამ შემთხვევაში მინიმალური გასაყიდი ფასი გახლავთ 25 ლარი.
6. ფოტოზე თქვენ ხედავთ მიმდინარე ფასს- 30 ლარი და ქვევით წარწერას: Reserve price has been met, რაც იმას ნიშნავს, რომ მინიმალური გასაყიდი ფასი მიღწეულია, რადგან ამ შემთხვევაში ეს იყო 25 ლარი.
7. ფოტოზე ზედა მარცხენა კუთხეში არსებული წარწერა NO RESERVE ნიშნავს იმას, რომ მინიმალური გასაყიდი ფასი არ არსებობს, ასე რომ შეგიძლიათ საწყის ფასადაც კი მოიგოთ ეს ნივთი, თუ თქვენს გარდა არავინ მიიღო მონაწილეობა კონკრეტულ აუქციონში. წითლად მონიშნული ხაზი მიმდინარე ფასია, ხოლო წრე- ბიდის კოეფიციენტი.
8. ფოტოზე მონიშნულ წითელ წრეში ხედავთ მომენტალური შესყიდვის ფასს, რომელიც ამ შემთხვევაში არის 200 ლარი. ამ ფასს რა თქმა უნდა თავად სელერი ადგენს და შეიძლება იყოს ნებისმიერი თანხა. მომენტალური შესყიდვისას ნივთზე შეწყდება აუქციონი და თანხის ჩარიცხვის შემდეგ ის გადაეცემა მყიდველს.
9. ნივთის ტრანსპორტირების ხარჯებს ადგენს სელერი. ის შეიძლება იყოს როგორც უფასო, ისე ფასიანი. ასევე სელერი ადგენს მიწოდების ვადებს იმ დროს, როდესაც ის ათავსებს ნივთს გასაყიდად.
10. თქვენ შეგიძლიათ იყიდოთ ან გაყიდოთ ნივთი როგორც აუქციონის, ისე პირდაპირი შესყიდვის სახით.
11. ნებისმიერი კითხვის შემთხვევაში ჩვენ მზად ვართ გიპასუხოთ და დაგეხმაროთ
წარმატებულ ბიდინგს გისურვებთ