Fleetwood Mac-ის ისტორიაში ორი აღსანიშნავი პერიოდი იყო. 1960-იანი წლების ბოლოს ბრიტანული ბლუზის პოპულარობის ხანა, როდესაც მათი ლიდერი იყო პიტერ გრინი და კომპოზიციამ “Albatross” ჰიტ-აღლუმებში პირველი პოზიცია დაიკავა და 1975-1987 წლებში, როდესაც ჯგუფი უფრო მეტად ორიენტირებული იყო პოპ-მუსიკის შესრულებაზე კრისტინ მაკ-ვისთან, ლინდზი ბეკინგემთან და სტივი ნიკსთან ერთად. ნიკსისა და ბეკინგემის მოსვლის შემდეგ ჩაწერილი ჯგუფის რიგით მეორე ალბომი Rumours (1977) იქცა ბესტსელერად, ხოლო მისი სინგლები მოხვდნენ აშშ-ს საუკეთესო 10-ეულებში (მათ შორის – ნიკსის საავტორო “Dreams”). ეს ალბომი აშშ ჩარტის სათავეში 31 კვირის მანძილზე იმყოფებოდა. მნიშვნელოვანი წარმატება მან მსოფლიოს სხვა ქვეყნებშიც იქონია. დღეისათვის მსოფლიო მასშტაბით გაყიდულია მისი 40 მილიონ ასლზე მეტი. იგი ითვლება ყველა დროის ერთ-ერთ გაყიდვად ალბომად.