ფილმში მოთხრობილია „Kind Of Blue“-ს შექმნისა და გავლენის ისტორიის შესახებ, სადაც მრავლად არის იშვიათი საარქივო კადრები, აქამდე გამოუქვეყნებელი სტუდიური ჩანაწერები, ახლად აღმოჩენილი ფოტოები და ინტერვიუები ბილ კოზბისთან, ჰერბი ჰენკოკთან, ედ ბრედლისთან (60 Minutes), მე’შელ ნდეგეოჩელოსთან, ქიუ-ტიპთან (A Tribe Called Quest), შირლი ჰორნთან, ჯეკი მაკლინთან, ჯონ სკოფილდთან, ჯიმი კობთან (ფილმის გამოსვლის დროს, ჯგუფის ერთადერთი ცოცხალი წევრი) და მრავალ სხვასთან. დოკუმენტური ფილმი შეტანილია „Kind Of Blue“-ს გამოსვლიდან 50 წლისთავისადმი მიძღვნილ საიუბილეო გამოცემაში. Kind of Blue- ამერიკელი ჯაზ-მუსიკოსის, მაილზ დეივისის ოცდამეერთე სტუდიური ალბომია, რომელიც გამოიცა ლეიბლ Columbia Records-ზე 1959 წლის 17 აგვისტოს. კრიტიკოსები მას განიხილავენ, როგორც ყველა დროის საუკეთესო ჯაზ ალბომს. 2002 წელს ის შეიტანეს კონგრესის ბიბლიოთეკის აუდიოჩანაწერთა ოქროს ფონდში. 2003 წელს ჟურნალმა ”როლინგ სტოუნმა” ალბომს მეთორმეტე ადგილი დაუთმო მის მიერვე არჩეული 500 საუკეთესო ალბომში. ფილმი გადაღებულია 2008 წელს. რეჟისორი კრის ლენცი