28-29-30 ივნისს, არტოს ბაღში გაიმართა რიგით მეხუთე Midsummer Nights Jazz Fest, რომლის ორგანიზატორიც გახლავთ ZMG-Art. ფესტივალს საკმაოდ ბევრი მონაწილე და მაყურებელიც ჰყავდა. სამწუხაროდ ჩვენ მხოლოდ ერთ საღამოს დავესწარით, თუმცა ამ ერთი საღამოდანაც კარგად ჩანდა თუ როგორი მრავალფეროვანი და ენერგიული ფესტივალი იყო წლევანდელი ”მიდსამარი”. წელს, ცნობილ მუსიკოსებთან ერთად ფესტივალის სცენაზე გამოჩნდნენ დამწყები, ძალიან საინტერესო მუსიკოსები და ბენდები. ასევე, წელს „ზაფხულის ღამის ჯაზის“ სპეციალური სტუმრები იყვნენ ამერიკელი ჯაზ მუსიკოსები.
ახლა კი მთავარზე- The Bookmarks
კიდევ ერთი დებიუტი ფესტივალზე და არაჩვეულებრივი შვიდეული. დიახ, არაჩვეულებრივი შვიდეული თამამად შეიძლება უწოდო ჯგუფს The Bookmarks. ბავშვები არაჩვეულებრივი, წყაროსავით რაკრაკა ხმებით. ბავშვები უსაზღვრო მუსიკალური ნიჭით. ბავშვები რომლებიც სრულად იაზრებენ რას მღერიან. მოკლედ ასე შეიძლება დავახასიათო ჯგუფის წევრები.
ბავშვები პორექტ ”რანინა”-ს მონაწილეები იყვნენ. საკმაოდ დიდი და რთული გზა გაიარეს. ეს შეუმჩნეველი არ დარჩენია ბუკა კარტოზიას, რომელმაც შანსი ხელიდან არ გაუშვა და ეს ბავშვები კიდევ უფრო რთული მისიისთვის შეარჩია. მისიას კი ეწოდებოდა The Bookmarks.
ჯგუფი როგორც გითხარით Midsummer Night Jazz Fest-ის დებიუტანტი გახლდათ. სასიმღერო ენა ქართული და შესაბამისად ქართული რეპერტუარი წარმოგვიდგინეს. მათთან ერთად სცენაზე გახლდათ
ლუკა თოფურია- კლავიში
დიტო საკანდელიძე- პერკუსია, დოლი
დათო გოგოსვანიძე (ბასმენა)- ბასი
სოსო ცაგარეიშვილი- დრამი
თითქმის ნახევარი საათის განმავლობაში ტემპი არ დავარდნილა. საოცარი არანჟირებები და საოცარი შესრულება. ”სომხური შალახო”, რევაზ ლაღიძის- ”გაზაფხულდა აყვავილდა ნუში”, სულხან ცინცაძის- ”ჭრიჭინა” ამავე სახელწოდების კინოფილმიდან, ზაქარია ფალიაშვილის ოპერა ”აბესალომ და ეთერი” სიმღერა ”წამწამსა და წამწამს შუა”, ვიქტორ დოლიძის ”ჯანაია” ოპერიდან ”ქეთო და კოტე” და რუსა მორჩილაძის ”იები”. მოკლედ, ბავშვებმა რასაც ჰქვია დახურეს. მეტი და მეტი წარმატება მათ.
დიდი მადლობა ილია ბაბურაშვილს ფოტოებისთვის და თამთა მანძულაშვილს ხმისთვის