1969 წლის სამმა დღემ მსოფლიო თითქოს სხვანაირი გახადა. ამ სამმა დღემ, უდიდესი გავლენა იქონია მაშინდელ მსოფლიოზე. სტუდიის მშენებლობისთვის დაწყებული მოძრაობა საბოლოო ჯამში მშვიდობისკენ მიმართულ აქტად გადაიქცა. დიდი ხანი საუბრობდნენ ამ სამ დღეზე. ბევრი ისაუბრეს, თუმცა დღესაც საკმაოდ აქტუალურია ვუდსტოკი 1969 წელს. საუბრობდნენ მის მაშტაბზე, მის ორგანიზებულობაზე. ქაოსზე, რომელიც ამ სამმა დღემ გამოიწვია ქვეყნის ამ ნაწილში. მართალია ორგანიზატორებს იმ რაოდენობაზე 10-ჯერ მეტი ადამიანის მასპინძლობა მოუწიათ ვიდრე გეგმავდნენ, მაგრამ როგორღაც თავი გაართვეს და ხალხი დაარწმუნეს, რომ როდესაც მოინდომებ, ყველაფერი გამოვა. სამი დღე მშვიდობისთვის და მუსიკისთვის დღემდე ამოუწურავი თემაა მუსიკალურ საზოგადოებაში და არამარტო. უამრავი დოკუმენტური ფილმია მასზე გადაღებული, უამრავი წიგნი გამოიცა, უამრავი ფოტო მასალა შეიძლება მოიძიო ინტერნეტში და არ შეიძლება აღფრთოვანებული არ დარჩე იმ მაშტაბით, რაც იმ დროს ოთხმა ადამიანმა მოახერხა. ფილმში შესულია ორგანიზატორების და მონაწილეების ინტრევიუები, დოკუმენტური მასალა და ამბავი იმაზე, თუ რა გავლენა იქონია ამ სამმა დღემ მსოფლიოზე.