ალექსანდრე კილაძის სახელი, ყველა ჯაზმენისთვის ძალიან ცნობილი და საყვარელია. ძალიან მალე გამოიცემა მისი ერთ-ერთი ყველაზე პოპულარული პროექტის, ჯაზ ქორალის რემასტერირებული პრესი, რომლის გამოცემაც ახლად შექმნილმა ლეიბლმა Tbilisi Records-მა ითავა.
ალექსანდრე კილაძეს საკმაოდ წარმატებული პროექტები ჰქონდა. პირველი იყოს ჯაზ-ნონეტი, რომელიც სამოცდაათიან წლებში შეიქმნა და იყო უფრო ფსიქოდელიური როკის ელემენტებით დატვირთული, ვიდრე ჯაზით. თუმცა ჯაზ-ნონეტი, ჯაზ-ქორალისთვის კარგი საფუძველი იყო. სამწუხაროდ, ჯაზ-ნონეტის EP საკმაოდ იშვიათი ეგზემპლარია. იგი დაბეჭდილია Flexi-ზე (ელასტიური ფირფიტა) და მასში შესულია 4 კომპოზიცია. მათ შორის 2 კომპოზიცია ”მზე” და ”გურული” შემდეგ უკვე ჯაზ-ქორალის რეპერტუარში შევიდა და ზემოთ აღნიშნულ რემასტერშიც შედის.
შემდეგ იყო ჯაზ-კვარტეტი, რომელმაც ცოტა ხანი იარსება და უკვე 1985 წლიდან ყალიბდება ჯაზ-ქორალი, რომელმაც არა მხოლოდ საქართველოში, არამედ მთელ საბჭოთა კავშირში ძალიან დიდი პოპულარობა მოიპოვა. მოგებული აქვთ რამოდენიმე საკავშირო კონკურსი, ხოლო 1987 წელს გამოსცეს ზემოთ ხსენებული სადებიუტო ალბომი.
ჯაზ ქორალის კიდევ ერთი ალბომი გამიცა 1989 წელს. პოლონელ საქსოფონისტ ტომას სუკალსკისთან ერთად, კიდევ ერთი ალბომი ჩაწერეს პოლონეთში. ალბომში ერთი გვერდი მთლიანად დათმობილი აქვს ტომას სკუკალსკის კვარტეტს, ხოლო მეორე გვერდი სკუკალსკის და ჯაზ ქორალს. ალბომში შესულია 6 კომპოზიცია, მათ შორის ”ბორჯომის ხეობა”, რომელიც ქორალის პირველ ალბომში უნდა შესულიყო, თუმცა გარკვეული მიზეზების გამო ტრეკლისტიდან ამოვარდა .
ალექსანდრე კილაძე- ჯაზ ქორალი, ასე ეწოდება ალბომს, რომელიც 1987 წელს გამოსცა სტუდიამ ”მელოდია” (თბილისი)
მასში შესულია 9 კომპოზიცია. ხოლო რემასტერირებულ, ახალ გამოცემაში დამატებულია ერთი კომპოზიცია ”ბორჯომის ხეობა”
ჯაზ-ქორალის შემადენლობა კი ასეთია
ალექსანდრე კილაძე – მუსიკალური ხელმძღვანელი
მანანა დარსაველიძე – სოპრანო
მარინა კაკიაშვილი – სოპრანო
ლალი ბერაძე – სოპრანო
ლიანა ოდიშელიძე – სოპრანო
ჯონი გოგია – ტენორი
გოდერძი ტურაზაშვილი – ტენორი
მედეა გოგილაშვილი – ალტო
ქეთევან ფრანგიშვილი – ალტო
გია კულიჯანოვი – ბარიტონი
ზურაბ ედიშერაშვილი – ბარიტონი
დავით ღამბაშიძე – ბანი
ოთარ ჟღენტი – ფორტეპიანო
სერგო გევორქოვი – საქსოფონი
ჯანო ჯიოევი – კონტრაბასი
ირაკლი კაციაშვილი – დასარტყამი ინსტრუმენტი
ალბომის მოსმენა შეგიძლიათ ქვემოთ მოცემულ ლინკზე