ლესეინ პერიშ კრუქსი, ფსევდონიმით- თუფაქ ამარუ შაკური , ამერიკელი რეპერი, მსახიობი, აქტივისტი და მწერალი. 2007 წლისთვის გაიყიდა მისი 75 მილიონზე მეტი ალბომი, რითაც თუფაქი იქცა ყველა დროის ერთ-ერთ გაყიდვად შემსრულებლად. მისი ორმაგი სტუდიური All Eyez on Me და კომპილაციური ალბომი Greatest Hits, აშშ-ში ყველა დროის ყველაზე გაყიდვადი ალბომების სიაშია. ჟურნალმა Rolling Stone, როგორც ბევრმა სხვა გამოცემამ, თუფაქი ყველა დროის შემსრულებელთა სიაში 86-ე ადგილზე დაასახელა. იგი ასევე ხშირად სახელდება ყველა დროის ერთ-ერთ უდიდეს და გავლენიან რეპერად. 2017 წლის 7 აპრილს თუფაქი შეიყვანეს როკ-ენ-როლის დიდების დარბაზში. შაკურმა კარიერა ტურნეების მენეჯერის სახით დაიწყო. ასევე იყო დამატებითი მოცეკვავე და წამყვანი ალტერნატიულ ჰიპ-ჰოპ ჯგუფში- ”Digital Underground”, მოგვიანებით კი წარმატებული სოლო კარიერა დაიწყო. თუფაქის სიმღერების თემების უმეტესობა განიხილავს ძალადობას, რასიზმს და სხვა სოციალურ პრობლემებს. რეპერის მშოლები იყვნენ ”შავი პანტერები”-ს პარტიაში, რომლის იდეალებიც თუფაქის სიმღერებში აისახა. კარიერის გვიანდელ წლებში შაკური აქტიურად მონაწილეობდა აღმოსავლეთ და დასავლეთ სანაპიროს ჰიპ-ჰოპის დაპირისპირებაში. მას მრავალ რეპერთან ჰქონდა კონფლიქტი, რომელთა შორის აღსანიშნავია The Notorious B.I.G. და ლეიბლი Bad Boy Records. 1996 წლის 7 სექტემბერს შაკურს ოთხჯერ ესროლეს ლას-ვეგასში, ფლამინგო-როუდის და კოვალ-ლეინის გზაჯვარედინზე. იგი გადაიყვანეს სამხრეთ ნევადის უნივერსიტეტის სამედიცინო ცენტრში, სადაც ექვსი დღის შემდეგ გარდაიცვალა. ფილმში შესულია დოკუმენტური კადრები მისი ცხოვრებიდან. ინტერვიუები თუფაქის დედასთან, ბიძაშვილთან, მისი დაცვის წევრთან, მეგობრებთან და კოლეგებთან. თუფაქ შაკურის მოკლე ისტორია და მისი სიცოცხლის უკანასკნელი 24 საათი.