პირველი კომერციული ვინილის ჩანაწერი, რომელიც საზოგადოებისთვის იყო ხელმისაწვდომი, შეიქმნა 1930 წელს RCA Victor-ის მიერ და ის ბაზარზე იყო წადგენილი, როგორც დისკი პროგრამის ტრანსკრიფციისთვის. იმ დროს ეს პროდუქტი მართლაც რევოლუციური იყო. მას შეეძლო ფუნქციონირება 33⅓ ბრუნვით წუთში. მისი დიამეტრი კი 12 ინჩი იყო. თავიდან ამ ფირფიტების წარმოება ჩაითვალა წარუმატებლად რამდენიმე მიზეზის გამო:
ეს ჩანაწერები ძვირი იყო;
ადამიანების უმეტესობას არ ჰქონდა ფირფიტის დასაკრავი მოწყობილობა;
ხალხს დიდი დეპრესიის დროს ბევრი სხვა რამ აწუხებდა ვიდრე შერლაკის ან ვინილის ფირფიტა;
თუმცა, დროთა განმავლობაში ყველაფერი რადიკალურად შეიცვალა.
არავინ იცის საერთო ჯამში რამდენი ვინილია დაპრესილი მისი პირველი გამოცემიდან დღემდე. ათასობით?მილონიობით? მილიარდობით? ფაქტია, უამრავია და დღემდე არ წყდება მისი გამოცემა. პირიქით, მისი პოპულარობა დღითიდღე კიდევ უფრო იზრდება. იპრესება უამრავი ძველი ალბომი ახლებური ჟღერადობით. ზოგჯერ კარგი ხარისხით, ზოგჯერ ცუდი ხარისხით. იბეჭდება თანამედროვე ჟღერადობით ახალი ალბომები. არის უამრავი ბენდი თუ ინდივიდუალური შემსრულებელი, რომელიც მუსიკას ქმნის და გამოსცემს ვინილის ფირფიტაზე. თუმცა, შეიძლება გაგვიჭირდეს ფირფიტის ამოცნობა არის ის ორიგინალი გამოცემა, რეპრესი თუ რემასტერირებული, თუ არ ვიცით პატარა ნიუანსები.