როდესაც გადაწყვეტ, რომ უნდა შეაგროვო შენი საყვარელი მუსიკა ვინილის ფირფიტებზე, გაუცნობიერებლად დგამ ნაბიჯს უსასრულობაში. დიახ, ამ მდგომარეობას რასაც ვინილის ფირფიტების კოლექციონერობა ჰქვია, შეიძლება დავარქვათ ”უსასრულობა”, რადგან ის რასაც შენ აგროვებ, უამრავია და დასასრული თითქოს არ აქვს. წარმოიდგინეთ ჯერ მარტო რამდენი შემსრულებელი თუ ბენდია? მერე ამ ბენდის ალბომები? შემდეგ ამ ალბომის სხვადასხვა გამოცემა? გინდა ყველა გამოცემა გქონდეს. გინდა ყველას ჟღერადობა იცოდე. დროთა განმავლობაში ხვდები, რომ წინ დიდი თავგადასავალი გელის, რომელიც სავსეა მოულოდნელობებით, სიხარულით, ხანდახან სევდით, იმდეგაცრუებით, მაგრამ მაინც იხტიბარს არ იტეხ და ჯიუტად აგრძელებ მიზნისკენ სწრაფვას. ბევრჯერ ტყუილად გამითენებია სხვადასხვა პლატფორმაზე აუქციონის თამაშში. ბევრჯერ გამცრუებია იმედები იმით, რომ ვიღაცამ სულ რაღაც 3 ცენტით მომიგო და წაიღო ჩემი საყვარელი ბენდის თუ შემსრულებლის ფირფიტა. ბევრჯერ ბედნიერს დამიძინია, რომ როგორც იქნა შევიძინე ჩემთვის მისაღებ ფასად ის ალბომი, რომელზეც დიდი ხანია ვოცნებობ. დიახ, ეს საქმე ბედნიერებით და იმდეგაცრუებებით სავსეა, თუმცა მთელი ამ საქმის აზარტიც ამაშია.
მაგრამ, არის მეორე საკითხი, რომელსაც ვერანაირად ვერ ავუვლით გვერდს. ერთია კოლექციონერობა ან მელომანობა, მაგრამ მეორეა ამ კოლექციის სწორად მოვლა და იმ წესების დაცვა, რაც შენს კოლექციას სიცოცხლეს გაუხანგრძლივებს. ეს არის მაგალითად ფირფიტების გაწმენდა. სწორად დალაგება თუ შენახვა. შეიძლება ერთმა უმნიშვნელო შეცდომამ სავალალო მდგომარეობამდე მიგვიყვანოს.
როგორ მოვუაროთ ფირფიტებს? როგორ გავწმინდოთ ისინი?
რატომ არის მნიშვნელოვანი ფირფიტის შიდა და გარე დამცავები?
როგორ დავალაგოთ ფირფიტები რომ არ დაიღუნოს და არ დაზიანდეს?
როგორ გავწმინდოთ საკრავის ნემსი?
ყველა ამ კითხვაზე პასუხს, მიიღებთ ჩვენს ვიდეობლოგში.
გამოიწერეთ ჩვენი არხი, რათა არ გამოგრჩეთ სიახლეები და მნიშვნელოვანი რჩევები.