15 ნოემბერს, კლუბში ARTERIA მსმენელის წინაშე წარდგა ბექა გოჩიაშვილის კვარტეტი. გვინდა ეს ივენთი თქვენც გაგიზიაროთ, რომელიც დარწმუნებული ვართ გულგრილს არავის დატოვებს. მართალია სცენაზე 4 ადამიანი იყო, მაგრამ ისინი ერთი მთლიანობა იყვნენ. ასეთი მობილიზებული, შეკრული და ჰარმონული კვარტეტი იშვიათად მინახავს. ყველა სოლო იქნება ეს ბექა, ლევანი, ზაზა თუ ლუკა, თითქოს გამორჩეულია, მაგრამ საბოლოო ჯამში ერთი მთლიანობაა და ის ერთსულოვნება, რომელიც ასე საჭიროა ყველა კოლექტივისთვის, კარგად იგრძნობა ყველა ტრეკში. კვარტეტის ნიჭიერება და შესაძლებლობები ამოუწურავია. მელოდიური მრავალფეროვნება და დაუსრულებელი იმპროვიზაცია- ეს, ბექა გოჩიაშვილის კვარტეტია. სიამოვნების საათნახევარი გელით.
ბექა გოჩიაშვილის კვარტეტი
ბექა გოჩიაშვილი- კლავიში
ლუკა თოფურია- კლავიში
ლევან დეისაძე- ბასი
ზაზა ცერცვაძე- დრამი