ბრუკლინის ქუჩებიდან მსოფლიო აღიარებამდე — ლეგენდის ტრაგიკული ისტორია კრისტოფერ უოლესი, იგივე The Notorious B.I.G., მხოლოდ 24 წლის იყო, როდესაც მისმა მკვლელობამ მთელი მუსიკალური ინდუსტრია შეძრა. თუმცა, მანამ, სანამ ჰიპ-ჰოპის მეფედ აღიარებდნენ, მან გაიარა ქუჩის უმკაცრესი სკოლა — კრეკის ეპიდემია, ნარკოვაჭრობა, ციხე და მუდმივი ბრძოლა გადარჩენისთვის. ეს არის დოკუმენტური ფილმი, რომელიც დეტალურად გვიყვება ბიგის ცხოვრების უცნობ, დრამატულ და წარმატებით სავსე გზას კრისტოფერ უოლესი, იგივე Notorious B.I.G., Biggie Smalls-ი ან უბრალოდ ბიგი, ნიუ-იორკში, ბრუკლინის კამბერლენდის საავადმყოფოში 1972 წლის 21 მაისს დაიბადა. ბიგი იამაიკელი ემიგრანტების ერთადერთი შვილი იყო. დედამისი, ვალეტა უოლესი, საბავშვო ბაღის აღმზრდელად მუშაობდა, ხოლო მამამისი, ჯორჯ ლატური — შემდუღლებლად. მიუხედავად იმისა, რომ წარჩინებული მოსწავლე იყო, ბიგიმ სკოლას თავი 16 წლის ასაკში დაანება და ხელი ნარკოვაჭრობას მიჰყო. ბიგის პირველი დემო-ჩანაწერი- The Microphone Murderer გახლდათ, რითიც პაფ დედის ყურადღება მიიქცია. ბიგის სადებიუტო ალბომი Ready To Die 1994 წლის 13 სექტემბერს გამოვიდა და პირველივე კვირაში 500,000-ზე მეტი ეგზემპლარი გაიყიდა. 1997 წლის 9 მარტს, ბიგის 4 ტყვია ესროლეს. მისი მეორე ალბომი, Life After Death, 1997 წლის 25 მარტს მისი გარდაცვალებიდან 16 დღის შემდეგ გამოვიდა — — და პირველივე კვირაში 690,000 ეგზემპლარი გაიყიდა, რამაც ის ყველა დროის ერთ-ერთ უდიდეს რეპერად აქცია.