3 აპრილს, კლუბმა ARTERIA, პაპუნა შარიქაძე-ს და მის მეგობრებს, გამორჩეულ მუსიკოსებს ხონძის, ზუკა სიმონიშვილს, დავით გოგისვანიძეს და გიო კაპანაძეს უმასპინძლა. უდიდესი სიამოვნება იყო მათი ლაივში ყურება და მოსმენა. ბიჭები უდიდესი პროფესიონალიზმით და დაკვრის ტექნიკით გამოირჩევიან. ინდივიდუალურად ყველა მსოფლიო დონის მუსიკოსია და სწორედ მათი პროფესიონალიზმი მაძლევს საშუალებას ვთქვა, რომ ეს ადამიანები ქმნიან ამინდს დღევანდელ ქართულ ჯაზ-სცენაზე. ამ რამოდენიმე კვირის წინ, Lasha Gabunia-მ გამოაქვეყნა საქართელოს ტოპ ათეულის სია, რომელიც იუთუბის მიერ იყო შედგენილი. ეს ათეული საშინლად გამოიყურებოდა და იქ ჩემთვის ერთადერთი ცნობილი სახელი- ”33ა” იყო. პოსტში დავწერე რომ დღევანდელი მუსიკალური გემოვნება საკმაოდ დაბალ დონეზე დგას, თუმცა როდესაც ვუსმენ ლუკას, პაპუნას, ხონძის, გიოს, ზუკას, ბექას, ხატიას, დათო კაკულიას, თორნიკე აბულაძეს, ლაშა დეისაძეს, სოსო ცაგარეიშვილს, გიგი ცინცაძეს და მათნაირ მაგარ მუსიკოსებს, მშვიდად ვარ, რადგან სწორედ ეს ადამიანები განსაზღრავენ და ადგენენ გემოვნებიანი მუსიკის სტანდარტს. საღამოზე 7 კომპოზიცია შესრულდა. აქედან ექვსი პაპუნას ეკუთვნის და ერთიც ხონძის.