აღწერა

Enigma-ს საკულტო ალბომი MCMXC a.D.

1990 წლის გერმანული პრესი

კატალოგის ნომრით Virgin – 211 209

მდგომარეობა VG+/VG+

ფირფიტას ვიზუალურად აღენიშნება ხმარების კვალი. აქვს მცირედი ხაზები, რომელიც დაკვრის ხარისხზე არ მოქმედებს. ორიგინალ დამცავ კონვერტს ზედა კუთხეში აქვს პატარა ხარვეზი. ასვე, მოყვება Hudson HiFi-ს უმაღლესი ხარისხის ცელოფნის დამცავი. ჟღერს ძალიან კარგად.

MCMXC a.D. — მუსიკალურ პროექტ ენიგმას პირველი სტუდიური ალბომი, რომელიც გამოვიდა 1990 წელს. ეს არის კონცეპტუალური ალბომი ემბიენტური და ნიუ ეიჯის სტილის მუსიკაში. გამოსვლისთანავე ალბომი მოექცა 41 ქვეყნის პოპულარული ალბომების რეიტინგების სათავეში.

ალბომიდან გამოვიდა ოთხი სინგლი – „Sadeness (Part I)“, „Principles of Lust“, „Mea Culpa (Part II)“ და „The Rivers of Belief“. აშშ-ში „Sadeness (Part I)“ მოხვდა პოპულარული სინგლების სიის #5 ადგილზე, ხოლო ალბომი — „ბილბორდის“ 200 საუკეთესო ალბომების სიაში, სადაც იგი შემდეგი 282 კვირის განმავლობაში დარჩა.

MCMXC a.D.-ის თემებს შორის არის: სირთულეები, რომლებსაც ადამიანი ხვდება ცხოვრებაში, დაპირისპირება რელიგიასა და სექსუალურობას შორის. სიმღერის Sadeness (Part I) მთავარი თემაა მარკიზ დე სადი, რომლისთვისაც სიამოვნებას წარმოადგენდა თავისი სექსუალური პარტნიორის წამება. ალბომში აგრეთვე წამოწეულია რამდენიმე ქრისტიანული თემა და აპოკალიფსი.

ელექტრონული მუსიკალური პროექტი, რომლის დამაარსებლები არიან მიხაელ კრეტუ, დევიდ ფაირშტაინი და ფრენკ პეტერსონი. კრეტუ არის როგორც პროდიუსერი, ასევე პროექტის სიმღერების მთავარი კომპოზიტორი. მისი ყოფილი მეუღლე, სანდრა, მღერის პროექტის ბევრ კომპოზიციაში. თავის დროზე ამ დუეტმა სანდრას სოლო ალბომებზეც იმუშავა. პროექტის სამ ალბომში იენს გადი გიტარაზე უკრავს.

პროექტის სახელით გამოიცა ექვსი სტუდიური დისკი. ენიგმა პირველი ჯგუფია, რომელმაც გამოიყენა სინთეზირებული ინსტრუმენტი შაკუჰაჩი და გრეგორიანული ქორალების სინთეზირებული ვერსიები (ალბომი MCMXC a.D.)

წყარო ©ვიკიპედია