16 ოქტომბერს, Mutant Radio-ში, ლეიბლ Street Poetry Records-ის სადებიუტო რელიზის, Beka Gochiashvili aka Bjazz11-ის ჰიპ-ჰოპ ალბომის, ”Be-Hop Vol. 1” პრეზენტაცია გაიმართა. შედგა ალბომის მოსმენის სესია და შემდეგ ლაივი, რომელმაც საათზე მეტი გასტანა. როგორც თავად ლეიბლის Street Poetry Records-ის დამფუძნებელმა, გიორგი ზურაბიშვილმა პირად საუბრებშიც დაგვიდადსტურა, ეს არ იქნება ერთადერთი ალბომი რომელსაც გამოსცემენ. ლეიბლი განაგრძობს მოლაპარაკებებს სხვადასხვა მუსიკოსებთან და არტისტებთან, და პარალელურ რეჟიმში მუშაობს სხვადსხვა ალბომების გამოცემაზე. საკმაოდ ამბიციური განაცხადია და არ შეგვიძლია არ ვუსურვოთ წარმატება Street Poetry Records-ს, ლეიბლს რომელმაც პირველივე რელიზზე გაგვაოცა.
რაც შეეხება თავად ალბომს, როგორც ავღნიშნეთ, ეს პროექტი წარმოადგენს ახალი თბილისური ლეიბლის, Street Poetry Records-ის პირველ ოფიციალურ ვინილის რელიზს (კატალოგის ნომრით SPR001). ალბომში შესულია 12 კომპოზიცია და უნიკალურადაა შერწყმული ჯაზ-პიანისტისა და ბითმეიკერის ნიჭი, რაც ქმნის ე.წ. Jazzy Hip-Hop-ის ჟღერადობას ალბომზე მუშაობისას ბექამ ითანამშრომლა რამდენიმე ქართველ და უცხოელ არტისტთან, მათ შორის არიან MC Cutkill, კატო კვარაცხელია, Blaque Dynamite და Joe Cleveland. ალბომში შესულია როგორც ბექა გოჩიაშვილის კომპოზიციები, ასევე კატო კვარაცხელიას სინგლი, სახელწოდებით Bird Tale. არცერთ კომპოზიციაში არ არის გამოყენებული სემპლები, ყველა დაკრულია Yamaha Motif XF8 კლავიშზე. როგორც თავად ბექა ამბობს: ალბომის დასახელების ბოლოს აღნიშვნა Vol.1 შემთხვევითი არ არის, რადგან მომავალში მის გაგრძელებაზე – Vol.2-ზეც აპირებს მუშაობას.
ტრეკლისტი:
1. Alley Cat (feat. MC Cutkill)
2. Luk Up 3. Out Luv
4. Butterfly Knife
5. Bird Tale (feat. Kato Kvaratskhelia, MC Cutkill, Blaque Dynamite & Joe Cleveland)
6. New York To L.A.
7. Chasin’ 8. Regulate (feat. MC Cutkill)
9. Brklyn Walk
10. Dilla’s Dream
11. Chimp’s Party
12. Bye
ალბომის შეძენას შეძლებთ vodkast-ში